რა არის HPV?

• HPV- წარმოითქმება როგორც ”ეიჩ პი ვი” (ადამიანის პაპილომა ვირუსი).
• HPV არის ძალზედ გავრცელებული ვირუსი. 50 წლის ასაკამდე 10-დან 8 ქალში ხდება ამ ვირუსის გამოვლენა.
• უმეტეს ქალებისათვის HPV ინფექცია პრობლემას არ წარმოადგენს და მათ შეუძლიათ საკუთარი ძალებით (იმუნური სისტემის დახმარებით) ებრძოლონ ინფექციას სანამ ის, თავის მხრივ, შექმნის რაიმე პრობლემას. მაგრამ ზოგ შემთხვევაში ხდება ინფექციის პერსისტენცია (ხანგრძლივად დარჩენა ორგანიზმში).
• კაცებშიც ხშირია HPV ინფექცია, მაგრამ ქალებისაგან გასხვავებით ეს არ უქმნით მათ სერიოზულ პრობლემას.

რა კავშირშია HPV ინფექცია და საშვილოსნოს ყელის კიბო?

• მაღალი რისკის ტიპების HPV ვირუსი არის საშვილოსნოს ყელის კიბოს გამომწვევი.
• როდესაც ქალს არ შეუძლია თავისი ძალებით ებრძოლოს მაღალი რისკის ტიპების HPV ინფექციას საშვილოსნოს ყელში ჩნდება არანორმული უჯრედები. თუ ასეთი მდგომარეობა დროულად არ იქნა აღმოჩენილი და ნამკურნალები არანორმული უჯრედებიდან განვითარდება საშვილოსნოს ყელის კიბო.

შეუძლია HPV ვირუსს გამოიწვიოს ჯანმრთელობის სხვა პრობლემები?

• დაბალი რისკის ტიპების HPV ინფექციას შეუძლია გამოიწვიოს სასქესო ორგანოების პაპილომები (კეთილთვისებიანი ქსოვილოვანი წანაზარდები). მათი მკურნალობა შესაძლებელია.

რა არის საშვილოსნოს ყელის სკრინინგი?

• საშვილოსნოს ყელის სკრინინგი წარმოადგენს ჯანმრთელი ქალების საშვილოსნოს ყელის გამოკვლევას სპეციუალური ტესტებით.

რატომ არის საჭირო საშვილოსნოს ყელის სკრინინგი?

• საშვილოსნოს ყელის კიბო ხშირად შეიძლება იყოს თავიდან აცილებული თუ დროულად იქნა აღმოჩენილი ნიშნები, რომელიც დამახასიათებელია კიბოსწინა პერიოდისათვის. ასე, რომ იგი შეიძლება იყოს შეჩერებული საწყის ეტაპზე (დაწყებამდე).

ყველა ქალს უნდა ჰქონდეს ჩატარებული ტესტი?

ჩვენ ვთავაზობთ ტესტის ჩატარებას ყველა ქალს 25-60 წლის ასაკობრივ პერიოდში, ვისაც აქვს სქესობრივი ცხოვრების გამოცდილება. მაგრამ საშვილოსნოს ყელის კიბო არის მეტად გავრცელებული, თუ:

• სქესობრივი ცხოვრება დაწყებულია ადრეულ ასაკში;
• სიგარეტის მოხმარების შემთხვევაში;
• ბარიერული კონტრაცეპციის (კონდომი) გამოუყენებლობის შემთხვევაში;
• რამოდენიმე სქესობრივი პარტნიორის არსებობის, ან ისეთი სქესობრივი პარტნიორის არსებობის შემთხვევაში, ვისაც თავის მხრივ აქვს სქესობრივი კავშირი რამოდენიმე პერტნიორთან;
• იმუნოსუპრესული მდგომარეობის შემთხვევაში (იმუნოსუპრესული პრეპარატების მიღების დროს ორგანოთა ტრანსპლანტაციის შემდეგ, ან აივ ინფექციის არსებობის დროს).

რა არის PAP ტესტი?

• საშვილოსნოს ყელის კიბოს სკრინინგის ტესტი, როდესაც ხდება საშვილოსნოს ყელის უჯრედების მიკროსკოპიული გამოკვლევა.
• ქალთა უმრავლესობაში ტესტის შედეგები უჩვენებს, რომ ყველაფერი კარგადაა.
• მაგრამ 10 ქალიდან ერთს ტესტი უჩვენებს უჯრედულ ცვლილებებს, რომლებიც შეიძლება იყოს განპირობებული მრავალი ფაქტორით, მათ შორის HPV ინფექციითაც.

ვინ უნდა აიღოს ტესტი?

ექიმი ან ექთანი იღებს ტესტს.

რა ხდება ტესტის აღების დროს?

• ექიმი ან ექთანი გთხოვთ დაწვეთ გინეკოლოგიურ სავარძელზე, შემდეგ საშოში გიდგამთ გინეკოლოგიურ სარკეს და გამოაჩენს საშვილოსნოს ყელს.
• შემდეგ იგი ხის გლუვი ან პლასტმასის შპადელით და ჯაგრისით საშვილოსნოს ყელის ზედაპირიდან და არხიდან ჩამოფხეკს უჯრედების მცირე რაოდენობას.
• ტესტის აღება გრძელდება რამდენიმე წუთს.

არის თუ არა ტესტი მტკივნეული?

• თქვენ შესაძლოა გქონდეთ დისკომფორტის ან ტკივილის შეგრძნება - ეცადეთ მოდუნდეთ, ისუნთქოთ ღრმად, ვინაიდან დაძაბულობის შემთხვევაში შეიძლება იგრძნოთ მეტი ტკივილი. თუ გტკივათ უთხარით ამის შესახებ ექიმს ან ექთანას - მათ შესაძლოა შეამცირონ თქვენი დისკომფორტი.

არის თუ არა საჭირო წინასწარი მომზადება ტესტისათვის?

• თქვენ ვერ შეძლებთ ტესტირებას მენსტრუალური სისხლდენის პერიოდში. ასე, რომ ტესტის აღება უნდა მოხდეს მენსტრუაციის დაწყებამდე ან მისი დამთავრების შემდეგ.

შეიძლება თუ არა სქესობრივი კონტაქტი ტესტის წინ?

• თუ თქვენ იყენებთ სპერმიციდებს, კონტრაცეპციის ბარიერულ მეთოდს ან სპეციალურ ჟელეს ტესტის აღებამდე 24 საათის განმავლობაში უნდა შეაჩეროთ მათი გამოყენება. ვინაიდენ მათ შემადგენლობაში შემავალმა ქიმიურმა ნაერთებმა შეიძლება გავლენა იქონიონ ტესტის შედეგებზე.

რამდენად სანდოა საშვილოსნოს ყელის სკრინინგი PAP ტესტით?

ადრეული დიაგნოსტიკა და მკურნალობა იწვევს კიბოს განვითარების პრევენციას შემთხვევათა დაახლოების 75%-ში, მაგრამ სხვა სახის სკრინინგ ტესტების მსგავსად იგი არ არის იდეალური. მისი საშუალებით ყოველთვის ვერ ხერხდება გამოვლენა ადრეული უჯრედული ცვლილებების, რომლებიც შეიძლება მიუთითებდეს კიბოზე. თქვენს ნიმუშში ატიპიური უჯრედები შეიძლება ვერ იქნას ამოცნობილი, რადგანაც:

• ზოგჯერ ისინი მნიშვნელოვნად არ განსხვავდება ნორმალური უჯრედებისაგან;
• ნიმუშში შეიძლება აღმოჩნდეს ატიპიური უჯრედების ძალზედ მცირე რაოდენობა; ან
• პიროვნებას, რომელიც აფასებს ნიმუშს, შეიძლება გამორჩეს მხედველობიდან პათოლოგია.

10 ტესტიდან დაახლოებით ერთი უნდა ინახოს ხელმეორედ, ვინაიდან:

• თქვენ შეილება გქონდეთ ინფექცია, რომელიც საჭიროებს მკურნალობას სუფთა ნიმუშის აღებამდე;
• საშვილოსნოს ყელის უჯრედები აღებულ ნიმუშში შეიძლება გადაფარული იყოს სისხლით ან ლორწოთი;
• აღებულ მასალაში შეიძლება არ აღმოჩნდეს სწორი შეფასებისათვის საჭირო ცერვიკალური უჯრედების საკმარისი რაოდენობა;
• ნიმუში შეიძლება არ აღმოჩნდეს სათანადოდ მომზადებული, ან
• თქვენი ნიმუში (სასაგნე მინა) შეიძლება დაიმსხვრას ტრანსპორირებისას.

თუ თქვენ გაქვთ პათოლოგიური სიმპტომები, როგორიცაა სისხლდენა სქესობრივი კავშირის შემდეგ ან მენსტრუაციათაშორისი, უნდა მიმართოთ ექიმს.

რა ხდება PAP ტესტის შედეგად გამოვლენილი არანორმული უჯრედების შემთხვევაში?

• ძალზედ იშვიათად ეს შეიძლება ნიშნავდეს, რომ თქვენ გაქვთ კიბო. უმეტეს შემთხვევაში ეს შეიძლება ნიშნავდეს, რომ თქვენ გესაჭიროებათ დამატებითი სხვა გამოკვლევის ჩატარება. ამ დროს საშვილოსნოს ყელს დაათვალიერებენ სპეციალური აპარატით კოლპოსკოპით, რომელსაც შეუძლია გადიდებული გამოსახულების მიღება. თუ ექიმი ჩათვლის საჭიროდ აგრეთვე აიღებს ბიოფსიას - ქსოვილის მცირე ნაჭერს, რომელიც გაიგზავნება ლაბორატორიაში გამოსაკვლევად.

შესაძლებელია რაიმეს გაკეთება პათოლოგიური ცვლილებების შემთხვევაში?

• დიახ. მკურნალობა საჭიროების შემთხვევაში წარმოადგენს პროცედურას, რომელიც ტარდება ამბულატორიულ პირობებში და არ საჭიროებს ღამის გატარებას სტაციონარში.

რა არის HPV ტესტირება?

• HPV ტესტი არის მოლეკულურ ტექნოლოგიაზე დაფუძნებული ტესტი მაღალი რისკის HPV ინფექციის გამოსავლენად.
• HPV ტესტის დროსაც ხდება საშვილოსნოს ყელიდან უჯრედული მასალის აღება და გაგზავნა სპეციალურ ლაბორატორიაში.
• დადებითი ტესტი მიანიშნებს, რომ თქვენ ხართ საშვილოსნოს ყელის კიბოს განვითარების რისკის მატარებელი და გესაჭიროებათ დამატებითი გამოკვლევები.

როდის უნდა ჩატარდეს HPV ტესტი?

• ტესტის ჩატარება უფრო ინფორმაციულია 30 წლის ასაკის ზევით, როგორც ცალკე, ისე PAP ტესტთან კომბინაციაში.

შესაძლებელია თუ არა კიბოს პრევენცია საშვილოსნოს ყელის სკრინინგის საშუალებით?

• რეგულარული ცერვიკალური სკრინინგი არის საშვილოსნოს ყელის ცვლილებების ადრეული გამოვლინების საუკეთესო გზა. ადრეულ დიაგნოსტიკასა და მკურნალობას შეუძლია კიბოს განვითარების თავიდან აცილება შემთხვევათა 75 %-ში.